Leje qëndrim për arsye familjare

Çfarë ju nevojitet për qëndrim të ligjshëm?

Kushdo që dëshiron të qëndrojë legalisht në Gjermani zakonisht duhet të hyjë me një vizë dhe ka nevojë për një leje qëndrimi përkatëse për qëndrimin e tyre të mëtejshëm.

Qytetarët e shumë vendeve janë të obliguar të bëjnë një kërkese për vizë nëse dëshirojnë të udhëtojnë në Gjermani, duke përfshirë shtetasit armenë, etiopianë, kosovarë, rusë dhe turq.

Megjithatë, të tjerë, si shtetas shqiptarë, boshnjakë, maqedonas të veriut, serbë, malazezë, gjeorgjiane ose ukrainas, lejohen të hyjnë në Republikën Federale për një vizitë ose qëndrim turistik deri në 90 ditë pa vizë. Gjatë kësaj periudhe atyre nuk ju lejohet të punësohen. Për një qëndrim më të gjatë, ju duhet gjithashtu një vizë përkatëse.

Kush lejohet të udhëtoj në Gjermani për arsye familjare?

Nëse dëshironi të qëndroni në Gjermani për arsye familjare, ju duhet një vizë për bashkim familjar për të hyrë në Gjermani. Ju mund të merrni një leje qëndrimi në Gjermani vetëm për arsye familjare nëse keni një vizë të tillë. Ka mundësi të ndryshme për të marrë një leje qëndrim për arsye familjare:

Si bashkëshort/e i/e një gjermani/e, fëmijë i mitur i/e një gjermani/e ose prind i një fëmije gjerman, ju keni të drejtën e një leje qëndrimi.

E njëjta gjë vlen edhe për anëtarët e familjes së të huajve, me kusht që të kenë leje qëndrimi dhe të plotësohen disa kushte të tjera.

E drejta e lirisë së lëvizjes vlen për anëtarët e familjeve të qytetarëve të BE-së.