ეს პროცედურა ახლად შეიქმნა 2020 წლის გამოცემული ,,კვალიფიციური სპეციალისტების შესახებ'' ახალი საიმიგრაციო კანონით. თუმცა, უცხოელს კვლავ შეუძლია გაიაროს სტანდარტული სავიზო პროცესი.

,,ბინადრობის შესახებ კანონის'' 81a მუხლი ადგენს, რომ დამსაქმებლებს შეუძლიათ მიმართონ საიმიგრაციო ორგანოებს კვალიფიციური სპეციალისტების სავიზო პროცედურების დასაჩქარებლად. ამის საფასური შეადგენს 411 ევროს. 
დაჩქარებული პროცესისთვის დამსაქმებელს სჭირდება შესაბამისი მინდობილობა შესაბამისი კვალიფიციური სპეციალისტისგან. დამსაქმებელმა უნდა გაუგზავნოს ყველა საჭირო დოკუმენტი (იხ. განაცხადის ინსტრუქციები FKEG-ისთვის BMI-დან, გვ. 145ff) პასუხისმგებელ საიმიგრაციო ორგანოს, რომელიც ამავდროულად კონსულტაციას გაუწევს დამსაქმებელს ამ პროცედურის შესახებ. ამის შემდეგ საიმიგრაციო ორგანო იწყებს პროცედურას, რათა დადგინდეს საზღვარგარეთ შეძენილი კვალიფიკაციის ეკვივალენტობა პასუხისმგებელ ორგანოსთან). გარდა ამისა, საჭიროების შემთხვევაში, იგი იღებს თანხმობას დასაქმების ფედერალური სააგენტოსგან (Arbeitsagentur). ის ასევე აცნობებს შესაბამის უცხოურ წარმომადგენლობას (მაგ. გერმანიის საელჩო საქართველოში) პროცესის შესახებ და დაუყოვნებლივ გასცემს წინასწარ თანხმობას, როგორც კი ყველა დოკუმენტი ხელმისაწვდომი იქნება.  ,,ბინადრობის შესახებ'' 31a პუნქტის თანახმად,  დიპლომატიურმა წარმომადგენლობამ საზღვარგარეთ, წინასწარი თანხმობის (Vorabzustimmung) მიღებიდან 3 კვირაში უნდა დაუნიშნოს ვიზიტი კვალიფიციურ სპეციალისტს. გარდა ამისა, თუ განაცხადი სრულყოფილად არის შედგენი, მან გადაწყვეტილება უნდა მიიღოს სამი კვირის ვადაში. შემდგომი ვადა არის ორი თვე განათლების აღიარების პროცედურისთვის და ერთი კვირა BA-ს (შრომის სააგენტო) მიერ დამტკიცებისთვის, სრული დოკუმენტების წარდგენის შემდეგ.