Բուհական կրթություն

Գերմանիայում կա ավելի քան 20.000 ուսումնառության ծրագիր, որոնցից մոտ 1.800-ը միջազգային են, հիմնականում անգլերեն լեզվով, և դրանք իրականացվում են գրեթե 400 բարձրագույն ուսումնական հաստատություններում։ Շուրջ 2,9 միլիոն ուսանողներից մոտ 400.000-ը գալիս են արտերկիրց։ Նրանք սովորում են համալսարաններում, կիրառական գիտությունների համալսարաններում (Fachhochschulen / Universities of Applied Sciences) կամ արվեստի, կինոյի ու երաժշտության դպրոցներում։ Ուսման ավարտին նրանք կարող են ստանալ բակալավր, մագիստրոս, պետական քննություն (Staatsexamen) կամ դոկտորի աստիճան։

Կրթության ոլորտները շատ բազմազան են՝ գյուղատնտեսություն և անտառային գիտություններ, հասարակական և սոցիալական գիտություններ, ինժեներական գիտություններ, արվեստ, երաժշտություն, դիզայն, ուսուցչական մասնագիտություններ, մաթեմատիկա և բնական գիտություններ, բժշկություն և առողջապահություն, լեզուներ և մշակութաբանություն, ինչպես նաև տնտեսագիտություն և իրավագիտություն։

 

Պետական համալսարաններում սովորաբար ուսման վճար չեն պահանջում, սակայն անհրաժեշտ է վճարել սեմեստրի անդամավճար, որը ներառում է սեմեստրի տոմսը՝ տարածաշրջանի հասարակական տրանսպորտից անվճար օգտվելու համար, ինչպես նաև վճարներ, որոնք նախատեսված են ուսանողական կազմակերպությունների և ուսանողական ծառայությունների համար։

Ուսումնական տարի բաժանված է երկու կիսամյակի՝ 

● ձմեռային կիսամյակ՝ սովորաբար հոկտեմբերի 1-ից մարտի 31-ը,

● գարնանային կիսամյակ՝ ապրիլի 1-ից սեպտեմբերի 30-ը։

Կիրառական գիտությունների համալսարաններում սեմեստրը հաճախ սկսվում է մեկ ամիս ավելի վաղ։ Սեմեստրի ավարտին սկսվում են սեմեստրի արձակուրդները, որոնց ընթացքում դասախոսություններ չեն անցկացվում, սակայն որոշ դեպքերում անհրաժեշտ է անցնել քնննական թեստեր կամ գրել տնային աշխատանքներ։