Të mesuarit e gjuhës gjermane

Cilat janë mundësit?

Qoftë në treg, punë apo në një mbrëmje prindërish - njohja e gjuhës gjermane është thelbësore për komunikim të suksesshëm dhe një hap i rëndësishëm në rrugën drejt integrimit të suksesshëm.

Ka shumë mënyra për të mësuar gjermanisht, qoftë brenda apo jashtë vendit.

Shumë ofrues të ndryshëm ofrojnë kurse profesionale gjermane ose integrimi, p.sh. Instituti Goethe, qendrat e arsimit të të rriturve ose Zyra Federale për Migracionin dhe Refugjatët. Ka mësim në grup ose individual, për punëtorët, për personat me aftësi të kufizuara, veçanërisht për gratë apo edhe për analfabetët, si kurse intensive, në mbrëmje, paradite ose në fundjavë.

Sigurisht që ka edhe opsione të ndryshme online: Për shembull, oferta falas nga Instituti Goethe në një aplikacion ose lajme eksta të folura ngadalë nga Deutsche Welle. Nëse synoni bashkimin familjar, studime ose shkollim dhe aftësim profesionl në ose në Gjermani, do t'ju duhet të bëni një provim në fund të kursit të gjuhës për të marrë një certifikatë përkatëse. Por një provim i kaluar i gjuhës gjithmonë duket i mirë në një aplikacion.

Një provim i tillë teston të kuptuarit në të lexuar dhe të dëgjuar, gramatikën dhe fjalorin, të folurit dhe të shkruarit.

Mund të merret në nivele të ndryshme: A1 dhe A2 tregojnë se ju mund të komunikoni në situata të përditshme. B1 dhe B2 synojnë përdorimin e pavarur të gjuhës. C1 dhe C2 demonstrojnë kompetencën më të madhe të mundshme gjuhësore, d.m.th. në një nivel të gjuhës amtare.

Kërkesat për nivele të ndryshme janë përcaktuar në Kornizen e Përbashkët Evropian të Referencës për Gjuhët.

Ka shumë ofrues të ndryshëm të provimeve gjuhësore, disa, si Instituti Goethe ose telc GmbH, ofrojnë provime për të gjithë, TestDaF dhe DSH (provimi i gjuhës gjermane për hyrje në universitet) janë krijuar posaçërisht për studentët e ardhshëm, ndërsa grupi i synuar për Diplomën e Gjuhës Gjermane nga Konferenca e Përhershme e Ministrisë të Arsimit dhe Çështjeve Kulturore (DSD) janë studentët jashtë vendit.

BAMF ofron kurse integrimi dhe orientimi për të sapoardhurit. Ju keni të drejtë të merrni pjesë nëse po hyni si punonjës, për qëllime të bashkimit familjar ose për arsye humanitare. Autoriteti i imigracionit mund të përcaktojë një detyrim për të marrë pjesë gjatë lëshimit të lejes së qëndrimit.