ვის ეხება ეს რეგულაცია?
,,ბინადრობის შესახებ’’ კანონი (მე-18 ნაწილი) განსაზღვრავს კვალიფიციური სპეციალისტების იმიგრაციის ძირითად პრინციპს: ეს ემსახურება „გერმანიის შრომის ბაზრის საჭიროებას კვალიფიციური სპეციალისტების მიმართ“ და ეფუძნება „გერმანიის, როგორც ეკონომიკური და სამეცნიერო ადგილის მოთხოვნებს“.
თუ თქვენ გაქვთ გერმანული, აღიარებული უცხოური ან მსგავსი უნივერსიტეტის ხარისხი, შეგიძლიათ, როგორც აკადემიური განათლების მქონე სპეციალისტმა, გააკეთოთ განაცხადი ბინადრობის ნებართვის მოსაპოვებლად, დასაქმების მიზნით ან ევროკავშირის ლურჯი ბარათის მისაღებად.
კანონის თანახმად, გერმანული ენის ცოდნა არ არის საჭირო, მაგრამ მაინც გამოსადეგია, თუ არა აუცილებელი, სამუშაოს შესრულებისას და თითქმის შეუცვლელია სოციალურ ცხოვრებაში აქტიური მონაწილეობისთვის. თუ თქვენ შეგიძლიათ დაამტკიცოთ B1 ცოდნა 4 წლის შემდეგ, შეგიძლიათ პირდაპირ გააკეთოთ განაცხადი მუდმივი ბინადრობის ნებართვაზე. ევროკავშირის ლურჯი ბარათის მფლობელებისთვის ეს პერიოდი 21 თვემდეც კი მცირდება, თუ პირი დაამტკიცებს გერმანული ენის B1 დონეზე ცოდნას.
Რა არის წინაპირობები?
სამუშაოს შეთავაზება
ბინადრობის ნებართვის გასაცემად პირს უნდა ჰქონდეს კონკრეტული სამუშაო შეთავაზება კვალიფიციური საქმიანობისთვის. კვალიფიკაცია უნდა უზრუნველყოფდეს დასაქმების შესაძლებლობას. ევროკავშირის ლურჯი ბარათისთვის პირი უნდა იყოს დასაქმებული საკუთარი კვალიფიკაციის შესაბამისად. ასეთი სამუშაო შეთავაზება შეიძლება დადასტურდეს „სამუშაო ურთიერთობის დეკლარაციის“ (Erklärung zum Beschäftigungsverhältnis) ფორმის გამოყენებით.
მინიმალური ხელფასი
- წლიურ მთლიან ხელფასს მინიმუმ 58,400 ევროს იღებენ. ასეთი პირები ევროკავშირის ლურჯ ბარათს ფლობენ.
- იღებენ წლიურ მთლიან ხელფასს მინიმუმ 45,552 ევროს ოდენობით და მუშაობენ ეგრეთ წოდებულ დეფიციტურ პროფესიებში (მეცნიერები, მათემატიკოსები, ინჟინრები, ექიმები ან IT სპეციალისტები). ამ პროფესიის წარმომადგენლებს, ასეთი სახელფასო ზღვრითაც შეუძლიათ მიიღონ ევროკავშირის ლურჯი ბარათი.
- იღებენ ზემოხსენებულ სახელფასო ზღვარზე ნაკლებ წლიურ ხელფასს. ამ შემთხვევაში პირი იღებს ბინადრობის ნებართვას.
მინიმუმ 48,1800 ევროს ხელფასი ან შესაბამისი საპენსიო უზრუნველყოფა უნდა წარადგინოს სპეციალისტმა, თუ იგი 45 წელზე უფროსია.
- აკადემიური მომზადების მქონე კვალიფიციურ მუშაკებს ეძლევათ ევროკავშირის ლურჯი ბარათი ფედერალური სააგენტოს თანხმობის გარეშე, თუ ისინი მიაღწევენ სახელფასო ზღვარს - 58,400 ევროს.
- ამ სახელფასო ზღვრის ქვემოთ გამოცდილი სპეციალისტები საჭიროებენ დასაქმების ფედერალური სააგენტოს თანხმობას. Სააგენტო ამოწმებს, არის თუ არა სამუშაო პირობები - მაგალითად, ხელფასი, სამუშაო საათები, შვებულების დროის რეგულაციები - გერმანელი დასაქმებულების სამუშაო პირობების მსგავსი.
არის გამონაკლისი IT სპეციალისტებისთვის: აქ 3 წლიანი პროფესიული გამოცდილება ბოლო 7 წლის განმავლობაში საკმარისია, მაგრამ შემდეგ B1 გერმანული ენის ცოდნა და მინიმალური ხელფასი 52,560 ევრო არის საჭირო.
შეზღუდული პროფესიების (მაგ. ექიმები, იურისტები ან ინჟინრები) განხორციელებისთვის საჭიროა ამ პროფესიის ლიცენზია. ეს ლიცენზია პირს ენიჭება კვალიფიკაციის შესაბამისობის დადგენის შემთხვევაში. აქ შემდეგ შემოწმდება, განსხვავდება თუ არა პირის მიერ უცხოეთში მიღებული განათლება, გერმანული განათლებისგან მნიშვნელოვნად. არსებითი განსხვავების დადგენის შემთხვევაში, ამ განსხვავების აღმოსაფხვრელად დამატებით ინიშნება შესაბამისობის ღონისძიებები (Anpassungsmaßnahmen) ან/და პროფესიული ცოდნის შესაფასებელი გამოცდა (Kenntnisprüfung).
პასპორტი და დაზუსტებული ვინაობა
ვიზის და შემდგომში ბინადრობის ნებართვის გასაცემად უნდა დაზუსტდეს პირის ვინაობა და პასპორტიც.
გაძევების ინტერესის არარსებობა
არ უნდა არსებობდეს გაძევების მიზეზი, როგორიცაა საზოგადოებრივი უსაფრთხოებისთვის საფრთხის შექმნა (მაგ. დანაშაულის შემთხვევაში).
შესვლისა და ყოფნის აკრძალვა არარსებობა
თუ პირმა უკვე მოითხოვა თავშესაფარი გერმანიაში ან შენგენის სხვა სახელმწიფოში, მაგალითად, არ უნდა იყოს დეპორტირებული იქიდან, რადგან ამ შემთხვევაში მოქმედებს შესვლის აკრძალვა. განსაკუთრებული სიფრთხილე მართებთ მას, ვინც ე.წ. "უსაფრთხო წარმოშობის ქვეყნებიდან" არის და მიიღო უარი, რადგან მაშინ გარკვეული ბინადრობის ნებართვა იბლოკება, მაშინაც კი, თუ ადამიანი ჯერ არ არის დეპორტირებული. თუ არსებობს შესვლის აკრძალვა, უნდა იქნეს განხილული ინდივიდუალურად, თუ როგორ უნდა შემცირდეს შესვლის აკრძალვის ვადა.
შესვლა საჭირო ვიზით
სასწავლო მიზნებისთვის ბინადრობის ნებართვის გასაცემად აუცილებელია, რომ პირი ქვეყანაში შემოვიდეს შესაბამისი ვიზით. ეს ასევე მოქმედებს იმ შემთხვევაშიც, თუ მოკლევადიანი ყოფნა შესაძლებელია ტურისტული ვიზით ან თუნდაც უვიზოდ.
