Միգրացիայի թեմայով լրացուցիչ տեղեկություններ, մասնավորապես՝ մանրամասն իրավական տեղեկատվություն, կարող եք գտնել այստեղ։
Ո՞ւմ է աջակցում ծրագիրը:
Մեր մասին
«Նախապատրաստված դեպի Գերմանիա – միգրացիոն խորհրդատվություն մինչև Գերմանիա տեղափոխվելը» ծրագիրը Եվրամիության և Գերմանիայի ֆինանսավորմամբ առաջարկվող խորհրդատվական ծառայություն է այն անձանց համար, ովքեր ցանկանում են ներգաղթել Գերմանիա: Ծրագիրը գործում է Գերմանիայում գործող Դիակոնիա բարեգործական հիմնադրամի համակարգի ներքո:
Դիակոնիան, համագործակցելով Գերմանիայի բարեգործական միությունների դաշնային աշխատանքային խմբի անդամ այլ կազմակերպությունների հետ, (Կարիտաս, Դիակոնիա, Աշխատավորների բարեկեցության միություն,Գերմանիայի Կարմիր խաչ, Պարիտետային բարեկեցության միություն, Գերմանիայի հրեա համայնքի կենտրոնական բարեգործական կազմակերպություն), պատասխանատու է Գերմանիայում գործող Միգրացիոն խորհրդատվություն մեծահասակ ներգաղթյալների համար (MBE) և Միգրացիոն երիտասարդական ծառայություններ (JMD) ծրագրերի համար: Միգրացիոն խորհրդատվական այս կենտրոնները գործում են Գերմանիայի յուրաքանչյուր երկրամասում: Բարեգործական միությունները նաև ունեն բազմաթիվ այլ խորհրդատվական կենտրոններ սոցիալական աշխատանքի տարբեր ոլորտներում և հանդիսանում են առողջապահության և սոցիալական ծառայությունների հաստատությունների պատասխանատուներ:
Ծրագիրը ֆինանսավորվում է Եվրամիության փախստականների, միգրացիայի և ինտեգրացիայի հիմնադրամի (AMIF), Գերմանիայի Դաշնային Հանրապետության, Բադեն-Վյուրտեմբերգի երկրամասի և Դիակոնիայի միջոցներով:
Ծրագիրը ներկայումս գործում է 13 երկրներում՝ Եթովպիա, Ալբանիա, Հայաստան, Բոսնիա-Հերցեգովինա, Վրաստան, Կոսովո, Մարոկկո, Նիգերիա, Հյուսիսային Մակեդոնիա, Ռուսաստան, Սերբիա, Թուրքիա և Ուկրաինա: Տեղական հիմնադրամների, հասարակական կազմակերպությունների, Գյոթե ինստիտուտի, Կարիտասի կամ Դիակոնիայի հետ համագործակցության արդյունքում գործում են խորհրդատվական կենտրոններ, որոնք սերտորեն համագործակցում են լեզվի դպրոցների, հատկապես Գյոթե ինստիտուտների հետ: Ծրագիրը համակողմանի կառավարվում է Գերմանիայի Դիակոնիայի կողմից (Դիակոնիա դաշնային միություն, Դիակոնիա Բադեն, Դիակոնիա Վյուրտեմբերգ և Դիակոնիա Համբուրգ):
Մենք Գերմանիայի կառավարության նախինտեգրացիոն ծրագրերի մասն ենք և պատասխանատու ենք խորհրդառուների՝ մինչև Գերմանիա տեղափոխվելը միգրացիոն խորհրդատվության համար: Մենք սերտորեն համագործակցում ենք Գյոթե ինստիտուտի հետ նախինտեգրացիոն ծրագրերի ոլորտում (հատկապես լեզվի դասընթացների և երկրի մշակութային գիտելիքներին ծանոթանալու ուղղությամբ), GIZ-ի, երիտասարդական միգրացիոն ծառայությունների առցանց ծրագրերի և այլ նախինտեգրացիոն նախագծերի հետ: Մեր ցանցի գործընկերների շարքում են միգրացիոն խորհրդատվական կենտրոնները, արտերկրի մասնագիտական որակավորման ճանաչման կենտրոնները, արհեստների պալատները, արդյունաբերության և առևտրի պալատները, սոցիալական տնտեսության միությունները, Բարի գալուստ կենտրոնները, լեզվի դպրոցներն ու լեզվակրթական ծրագրերի իրականացնողները:
Չնայած հանգամանքին, որ մեր ծրագիրը ֆինանսավորվում է Եվրամիության և Գերմանիայի կողմից և գործում է որպես պաշտոնական խորհրդատվական ծառայություն, մենք հանդիսանում ենք Գերմանիայում գործող հասարակական կազմակերպությունների համակարգի մաս, որն անկախ է պետական կառույցներից։ Մեր խորհրդատվությունը տրամադրվում է բացառապես սոցիալական աջակցության նպատակով այն անձանց, ովքեր մտադիր են ներգաղթել Գերմանիա։ Մեզ մոտ բոլոր խորհրդատու մասնագետները պարտավոր են պահպանել տվյալների գաղտնիությունը․ կիրառվում են խորհրդատվության գաղտնիության սկզբունքը և անձնական տվյալների պաշտպանության ամենաբարձր չափանիշները:
Մեր գործունեությունը
Մենք իրենց իսկ հայրենի երկրում խորհրդտվություն ենք տրամադրում և ուղորդում այն անձանց, որոնք ցանկանում են Գերմանիա տեղափոխվել: Օգնություն ենք տրամադրում կյանքի իրատեսական պլանավորման, տեղափոխման գործընթացի և Գերմանիայում կյանքի նախապատրաստման ուղղությամբ: Հիմնական թիրախային խմբում այն անձինք են, որոնք նախատեսում են միավորվել իրենց ընտանիքի հետ, ցանկանում են աշխատել որպես մասնագետ կամ Գերմանիայում կրթություն ստանալ:
Մեր խորհրդատվական ուղղություններն են՝
- Վիզայի գործընթացի խորհրդատվություն և աջակցություն
- Հասարակության և աշխատաշուկայի ինտեգրման նախապատրաստում
- Գերմաներենի ուսուցման խորհրդատվություն
- Մասնագիտական որակավորման ճանաչման աջակցություն
- Կրթական համակարգում ինտեգրման աջակցություն (տուն/երեխաներ)
- Սոցիալական ապահովություն և առողջապահություն
- Անլուրջ առաջարկներից, աշխատանքի շահագործումից և այլ կախվածություններից պաշտպանություն
Բացի անհատական խորհրդատվությունից, մենք կազմակերպում ենք նաև տեղեկատվական միջոցառումներ՝ իրավական պահանջների, վիզայի գործընթացի և Գերմանիայում կյանքի վերաբերյալ, ինչպես նաև խմբային սեմինարներ՝ երկրի մշակույթի ու առօրեայի վերաբերյալ:
Մենք առևտրային կազմակերպություն կամ աշխատանքի ընդունման գործակալություն չենք: Մենք աջակցում ենք այն անձանց, որոնք ցանկանում են Գերմանիայում ստեղծել ապագա և դրա համար անհրաժեշտ տեղեկություն և հմտություններ ձեռք բերել: Այստեղ առաջնային են խորհրդատվություն ստացողների հետաքրքրությունները, ոչ թե Գերմանիայի կամ իրենց հայրենի երկրի պետական կամ տնտեսական շահերը: Մենք չենք համագործակցում առանձին ընկերությունների հետ, այլ միայն ոլորտային միավորումների, որոնք ներկայացված են համապատասխան երկրամասերում:
Անհատական խորհրդատվությունը, սեմինարները և տեղեկատվական միջոցառումներն անվճար են:
Կարևոր նշում
Մեր խորհրդատուներին արգելվում է ուղղակի կամ անուղղակի ձևով ստանալ որևէ դրամական միջոց կամ ֆինանսական առավելություն հաճախորդներից, ինչպես նաև ներգաղթով շահագրգռված այլ անձանց, կազմակերպություններից կամ ընկերություններից։ Կոռուպցիայի ցանկացած ձև խստորեն արգելվում է, և կիրառվում են համապատասխանության բարձր պահանջներ։ Եթե նկատում եք այս սկզբունքների խախտում, կարող եք անհապաղ գաղտնի դիմել մեր բողոքարկման հոթլայնին՝ EOK-Migration@ekiba.de հասցեով: Կարող եք նաև գաղտնի հանդիպում ամրագրել՝ նախագծի անձնակազմից անկախ, ձեր լեզվով խոսող այլ անձի օգնությամբ:
Մեր սկզբունքները
Մենք կարևորում ենք սոցիալական աշխատանքի չափանիշների պահպանությունը:
- Անկախ՝ սոցիալական պաշտպանություն և ինքնակազմակերպման աջակցություն, անկախ պետական կամ տնտեսական շահերից
- Կրթված և որակավորված՝ բարձր որակի չափանիշներ, որակավորված խորհրդատուներ, սերտ համագործակցություն Գերմանիայում մասնագիտական կենտրոնների հետ
- Գաղտնի՝ խորհրդատվության գաղտնիք, տվյալների պաշտպանություն
- Արդյունքահեն
- Անվճար
Մեր գործընկերները
Ցանկալի է ապահովել խորհրդառուների՝ Գերմանիա մեկնումից հետո ևս աջակցություն ստանալու հնարավորությունը: Գերմանիայում մենք սերտորեն համագործակցում ենք Մեծահասակ ներգաղթյալների միգրացիոն խորհրդատվության (MBE) և Երիտասարդական միգրացիոն ծառայությունների (JMD) հետ: Դրանից բացի, համագործակցում ենք Բարի գալուստ կենտրոնների, արդյունաբերության և արհեստների պալատների, սոցիալական ոլորտի կազմակերպությունների և ճանաչման կենտրոնների հետ:
Տեղում առկա է սերտ համագործակցություն լեզվի դպրոցների և այլ նախինտեգրացիոն նախագծերի (հատկապես Գյոթե ինստիտուտի նախագծերի) հետ, ինչպես նաև վիզայի կենտրոնների, DAAD-ի և այլ գերմանական գործակալությունների հետ:
Խնդրում ենք նկատի ունենալ